06 جنوری ، 2025 
کوئی کہے آگ لگادو، بم پھینکو تو کسی کے بہکاوے میں نہ آنا: مریم نواز کا طلبہ کو مشورہ
06 جنوری ، 2025
ملتان : وزیراعلیٰ پنجاب مریم نواز نے طلبہ کو مشورہ دیتے ہوئے کہا کہ جو آپ کوکہےآگ لگادو، بسیں جلادو، بم پھینک دو،گولیاں چلادو، اس بہکاوے میں کبھی نہ آنا،کسی کا ایندھن نہ بننا، اگر یہ بات اچھی ہوتی تو کسی کے بچے معافی مانگ کر باہر نہ آتے۔
ملتان میں یونیورسٹی کے طلبہ سے خطاب کرتے ہوئے مریم نواز نے کہا کہ چاہتی ہوں اچھی تعلیم کے ساتھ ساتھ طالبات معاشی طورپربھی با اختیارہوں، بہت سارے ٹریننگ پروگرام شروع کیے ہیں جس میں بہت مثبت رجحان ہے، طالبات کو 3کروڑ روپےتک کا قرضہ ملےگاتاکہ آپ اسٹارٹ اپس شروع کرسکیں۔
اسکالرشپس پر بات کرتے ہوئے وزیراعلیٰ کا کہنا تھا کہ میرا شکریہ اداکرنے کی ضرورت نہیں، 100فیصد میرٹ پر طلبہ کو اسکالرشپس ملی ہیں، یہ اسکالرشپس جو دی جارہی ہیں یہ میرا پیسہ نہیں، آپ کا پیسہ ہے۔
مریم نواز نے مزید کہا کہ جن گھروں کی سالانہ انکم 3لاکھ سے کم ہےان کیلئے تعلیمی اخراجات اٹھانا آسان نہیں، تمام 30 ہزار کی 30 ہزار اسکالرشپ میرٹ پر دی گئی ہیں، اس سال 30 ہزار اسکالرشپ دے رہے ہیں،کوشش ہےکہ 50 ہزار اسکالرشپ دی جائیں۔
وزیراعلیٰ پنجاب نے طلبہ کو مشورہ دیتے ہوئے کہا کہ جو آپ کوکہےآگ لگادو، بسیں جلادو، بم پھینک دو،گولیاں چلادو، اس بہکاوے میں کبھی نہ آنا،کسی کاایندھن نہ بننا، اگر یہ بات اچھی ہوتی تو کسی کے بچے معافی مانگ کر باہر نہ آتے، سیاسی فلسفہ رکھنا کوئی بری بات نہیں لیکن لوگوں کی عزت کرنا، انہی اقدار کے ساتھ معاشرے اور ملک کی پہچان ہوتی ہے، مجھے نہیں پتا کہ قومی اخلاقیات کس جانب جارہی ہے؟ پاکستان کا مستقبل آپ کے ہاتھوں میں ہے، آپ ذمے داریوں کے ساتھ چلیں گے تو ملک کو ترقی سے کوئی نہیں روک سکتا۔
