12 جنوری ، 2025 
پی سی بی کی جانب سے چیمپئنزکپ کے مینٹورز کی کارکردگی کا جائزہ، تبدیلی کا بھی امکان
12 جنوری ، 2025
پاکستان کرکٹ بورڈ (پی سی بی) نے چیمپئنزکپ کے 5 مینٹورز کی کارکردگی کا جائزہ لینا شروع کر دیا ہے،کم درجےکی کارکردگی کے حامل مینٹورز کو تبدیل کرنےکا آپشن بھی استعمال کیا جاسکتا ہے۔
پی سی بی چیئرمین محسن نقوی کی زیر صدارت لاہور میں اجلاس ہوا جس میں پی سی بی کے اہم آفیشلز نے شرکت کی۔ اجلاس میں چیمپئنز کپ کے مینٹورز کی اب تک کی کارکردگی کا جائزہ لیا گیا جس کا مقصد 5 مینٹورز کی کارکردگی کی بنیاد پر درجہ بندی کرنا تھا۔
ذرائع کا کہنا ہےکہ کم درجےکی کارکردگی کے حامل مینٹورز کو تبدیل کرنےکا آپشن بھی استعمال کیا جاسکتا ہے۔ غیر تسلی بخش کارکردگی والے مینٹورز کی جگہ نئے مینٹورز لائے جاسکیں گے۔
مینٹورز کی سیزن میں پہلی مرتبہ کارکردگی کا جائزہ لیا گیا ہے۔ چیمپئنز کپ کے مینٹورز میں وقار یونس، مصباح الحق، ثقلین مشتاق، شعیب ملک اور سرفراز احمد شامل ہیں۔
