03 مارچ ، 2013 
ارکان رابطہ کمیٹیکی زخمیوں کی عیادت ، جائے وقوعہ کا بھی دورہ کیا
03 مارچ ، 2013
کراچی…متحدہ قومی موومنٹ کی رابطہ کمیٹی کے ڈپٹی کنوینر انیس احمد قائم خانی ، رابطہ کمیٹی کے ارکان ڈاکٹر صغیر احمد اور وسیم آفتاب نے اتوار کی شب عباسی شہید اسپتال کا دورہ کیا اور سانحہ عباس ٹاؤن کے بم دھماکوں میں زخمی ہونے والے افراد کی عیادت کی ۔ انیس احمد قائم خانی اور رابطہ کمیٹی کے ارکان نے قائد تحریک الطاف حسین کی جانب سے زخمیوں کی خیریت دریافت کی اور ان کی جلد ومکمل صحت یابی کیلئے دعا کی ۔ اس موقع پر انتہائی رقت انگیز مناظر دیکھنے میں آئے ، شہید و زخمی افراد کے اہل خانہ شدت غم سے نڈھال تھے اور زارو قطار رو رہے تھے ۔ رابطہ کمیٹی کے ارکان نے متاثرین کو دلاسہ دیا اور انہیں صبر کی تلقین کی ۔بعدازاں ایم کیوایم کی رابطہ کمیٹی کے ارکان نے عباس ٹاؤن بم دھماکوں کے جائے وقوعہ کا دورہ کیا اورعلاقے کے عوام سے بم دھماکوں کی تفصیلات معلوم کیں ۔
