06 فروری ، 2025 
پاکستان
فوٹو: فائل
کرک میں پولیس چوکی پر شرپسندوں کا حملہ، 2 پولیس اہلکار شہید
06 فروری ، 2025
خیبرپختونخوا کے ضلع کرک میں پولیس چوکی پر شرپسندوں کے حملے میں 2 پولیس اہلکار شہید ہوگئے۔
کرک میں بہادرخیل کی پولیس چوکی پر شرپسندوں نے حملہ کیا جس میں 2 پولیس اہلکار شہید اور 6 زخمی ہوگئے۔
ڈی پی او نے بتایا کہ حملے میں شہید ہونے والوں میں ڈرائیور نقیب اور عدنان شامل ہیں۔
حکام کے مطابق شرپسندوں نے بھاری ہتھیاروں سے حملہ کیا تھا۔پولیس کی جوابی فائرنگ سے حملہ آور فرار ہوگئے۔
ڈی پی او کے مطابق 4 زخمی پولیس اہلکا ڈسٹرکٹ ہیڈ کوارٹر اسپتال منتقل کر دیے گئے جبکہ 2 زخمی پولیس اہلکاروں کو پشاور ریفر کیا گیا۔
ڈی پی او کا کہنا ہے کہ پولیس نے علاقے میں سرچ آپریشن شروع کر دیا ہے۔
