10 فروری ، 2025 
3 شادیاں ناکام، بالی وڈ گلوکار نے 66 سال میں چوتھی شادی کی خواہش ظاہر کردی
10 فروری ، 2025
بالی وڈ کے معروف 66 سالہ گلوکار مقصود محمود علی المعروف لکی علی نے چوتھی شادی کی خواہش ظاہر کردی۔
لکی علی معروف کامیڈین محمود کے بیٹے ہیں اور کئی فلموں کیلئے گیت بھی گا چکے ہیں۔ لکی علی کی کنسرٹس میں گانوں کی ویڈیوز بھی سوشل میڈیا پر وائرل ہوتی رہتی ہیں۔ اب گلوکار نے دہلی میں ایک فیسٹیول میں 66 سال کی عمر میں چوتھی شادی کی خواہش کا اظہار کیا ہے۔
ایک سوال کے جواب میں لکی علی نے کہا کہ خواب ہے کہ میں پھر شادی کرونگا۔ خیال رہے کہ لکی علی نے 3 شادیاں کیں اور تینوں ہی ناکام ہوگئیں۔
انہوں نے 1996 میں میگھن جین سے شادی کی اور جلد ہی طلاق ہوگئی، ان سے دو بچے تاوز اور تسمیہ ہیں۔ دوسری شادی 2000 میں پارسی لڑکی اناہیتا سے ہوئی جنہوں نے اسلام بھی قبول کیا تھا، ان سے بھی ان کے 2 بچے سارہ اور ریان ہیں اور یہ شادی بھی جلد اختتام پذیر ہوگئی۔
اس کے بعد تیسری شادی 2010 میں کیٹ الزبتھ سے کی اور ان سے ایک بیٹا ہے تاہم یہ شادی بھی 7 سال بعد ختم ہوگئی۔
مزید خبریں :
ماورا حسین کے نکاح کے جوڑے کی کیا قیمت تھی؟
09 فروری ، 2025
اداکارہ انجلین ملک کینسر میں مبتلا، تصاویر بھی شیئر کردیں
08 فروری ، 2025
فراڈ کیس: سونو سود کے وارنٹ جاری، گرفتار کرکے پیش کرنے کا حکم
07 فروری ، 2025
