22 فروری ، 2025 
پاک بھارت ٹاکرا، جیو کی خصوصی ٹرانسمیشن میں سابق کرکٹرز کے دلچسپ تبصروں نے ماحول گرما دیا
22 فروری ، 2025
چیمپئنز ٹرافی میں پاکستان اور بھارت کے ٹاکرے سے قبل جیو نیوز کی خصوصی ٹرانسمیشن میں پاکستان اور بھارت کے سابق کرکٹرز کے دلچسپ تبصروں نے ماحول مزید گرما دیا۔
پاک بھارت میچ کی پیش گوئی مشکل ہی نہیں ناممکن بھی ہے یہاں نہ پرانا ریکارڈ اور نہ پرانی پرفارمنس کام آتی ہے۔
جیو نیوز کی خصوصی ٹرانسمیشن میں گفتگو کرتے ہوئے سنیل گواسکر نے کہا بھارتی ٹیم بیلنسڈ ہے لیکن وکٹ دیکھنی پڑے گی۔
راشد لطیف نےکہا کہ لوگ سمجھتے ہیں بھارت کی بیٹنگ مضبوط ہے لیکن پاکستان کو ہمیشہ بھارت کی بولنگ تنگ کرتی ہے۔
محمد عامر نے کہا کہ اگر بھارت نے بنگلا دیش سے میچ والی غلطیاں کیں تو پاکستان جیت سکتا ہے جبکہ ہر بھجن سنگھ کا کہنا تھاکہ آن پیپر بھارت مضبوط ہے لیکن پاکستان کو ایسے پلیئرز دستیاب ہیں جو میچ کے دن اچھا کھیل جائيں تو نیّا پار لگا سکتے ہيں۔
احمد شہزاد بولے پاک بھارت میچ پچھلے سارے میچ بھلا کر شروع ہوتا ہے، بھارت کے فیورٹ ہونے کے باعث پاکستان ٹیم پر دباؤ کم ہوگا۔
خیال رہے کہ آئی سی سی چیمپئنز ٹرافی میں پاک، بھارت ٹاکرا کل ہوگا، یہ میچ دبئی کے انٹرنیشنل کرکٹ اسٹیڈیم میں کھیلا جائے گا۔
