24 فروری ، 2025 
ویڈیو: پاکستانی بچے کا بمراہ جیسا بولنگ اسٹائل، مسیکویل کو دو مرتبہ آؤٹ کردیا
24 فروری ، 2025
لاہور: پاکستان کے 11 سالہ بچے احمد رضا کا بولنگ اسٹائل بھارت کے مایہ ناز بولر جسپریت بمراہ جیسا ہے جس کی ویڈیو سوشل میڈیا پر بھی خوب وائرل ہو رہی ہے۔
بھارتی فاسٹ بولر جسپریت بمرا کی طرح کے بولنگ اسٹائل والے احمد رضا نے پریکٹس کے دوران آسٹریلیا کے گلین میکسویل کو دو مرتبہ بھی آؤٹ کیا۔
احمد رضا کو آئی سی سی کی کرکٹ فارگڈ ایکٹیویٹی میں بولنگ کا موقع ملا، آسٹریلوی ٹیم نے احمد رضا کے گلین میکسویل کو بولنگ کرانے کی ویڈیو بھی اپ لوڈ کی۔
احمد رضا کا کہنا ہے کہ اسے بھارت کے جسپریت بمرا کا منفرد اسٹائل اچھا لگتا ہے، مجھے بہت خوشی ہوئی کہ میں نے آسٹریلوی ٹیم کو بولنگ کرائی، گلین میکسویل میرے پسندیدہ بیٹر ہیں، میں نے انہیں بولنگ کرائی اور دو مرتبہ آؤٹ کیا، میکسویل کو ایک مرتبہ بولڈ کیا اور ایک مرتبہ کیچ آؤٹ کرایا۔
پاکستانی بچے کا کہنا تھا گلین میسکویل سے شرٹ اور کیپ پر آٹو گراف بھی لیا ہے، کوشش ہے محنت کرکے آگے بڑھتا رہوں اور بمرا اسٹائل میں بولنگ کروں۔
یاد رہے کہ آسٹریلیا کی ٹیم ان دنوں چیمپئنز ٹرافی کھیلنے پاکستان آئی ہوئی ہے اور پہلے میچ میں آسٹریلیا نے انگلینڈ ک خلاف 352 رنز کا ہدف 47 ویں اوور میں حاصل کر کے تاریخ ساز فتح سمیٹی تھی۔
مزید خبریں :
کوہلی نے ون ڈے کرکٹ میں 25 سال پرانا ریکارڈ توڑ دیا
10 گھنٹے پہلے
