24 فروری ، 2025 
مصطفیٰ کیس کا ملزم ارمغان ہر ہفتے یا دو ہفتے میں ساحر سے منشیات خریدتا تھا: تحقیقات میں انکشاف
24 فروری ، 2025
کراچی ڈیفنس میں منشیات فروشی کے الزام میں گرفتار اداکار ساجد حسن کے بیٹے ملزم ساحر حسن کی انٹروگیشن رپورٹ سامنے آگئی۔
انٹروگیشن رپورٹ کے مطابق ملزم ساحر 13 سال سے منشیات استعمال کررہا ہے اور دو سال پہلے فروخت شروع کی، ملزم ساحر بازل اور یحییٰ نامی شخص سے منشیات خریدتا ہے اور دونوں افراد کوریئر کے ذریعے ملزم ساحر کو منشیات گھر بھیجتے تھے۔
انٹروگیشن رپورٹ میں کہا گیا ہے کہ ملزم دونوں افراد سے منشیات خریدنے کے 4 سے 5 لاکھ روپے دیتا تھا اور ملزم ایک ماہ میں دو بار 1200 گرام منشیات منگواتا تھا اور ایک گرام منشیات 10 ہزار روپے میں فروخت کرتا رہا۔
انٹروگیشن رپورٹ کے مطابق ملزم کسٹمر سے فون پربات کرتا اور کسٹمرز ملزم کےگھر سے منشیات خریدتے تھے، منشیات کی بڑی مقدار میں فروخت پر رقم والد کے منیجر کے اکاؤنٹ میں منگواتا تھا۔
رپورٹ میں انکشاف ہوا ہے کہ مصطفیٰ قتل کیس کا مرکزی ملزم ارمغان 14 سوگرام منشیات ہر ہفتے یا دو ہفتے میں ملزم ساحر سے خریدتا تھا۔
خیال رہے کہ کراچی کی عدالت نے منشیات فروشی کے الزام میں گرفتار ساحر کے جسمانی ریمانڈ میں توسیع کردی۔
مزید خبریں :
کراچی: ڈیفنس فیز ون میں فائرنگ سے ایک شخص جاں بحق
11 گھنٹے پہلے
بھارت، خاتون سے زیادتی پر خودساختہ پادری کو عمر قید کی سزا
02 اپریل ، 2025
