06 مارچ ، 2025 
امریکی وزیر دفاع نے داعش دہشتگرد کی گرفتاری پر پاکستان کا شکریہ اد اکردیا
06 مارچ ، 2025
واشنگٹن: امریکی وزیر دفاع پیٹ ہیگستھ نے کہا ہے کہ پاکستان سے گرفتار کیے جانے والے دہشتگرد کی اطلاع پاکستان کو ٹرمپ انتظامیہ نے دی تھی۔
پاکستان نے سی آئی اے کی دی گئی معلومات کی بنیاد پر کابل ائیرپورٹ پر حملے کے ماسٹر مائنڈ افغان شہری اور داعش کمانڈر شریف اللہ کو پاک افغان سرحد سے گرفتار کیا تھا۔
غیر ملکی خبر رساں ادارے کے مطابق امریکی وزیر دفاع پیٹ ہیگستھ نے کہا کہ پاکستان کا خصوصی شکریہ کہ انہوں نے اس معاملے میں ہمارے ساتھ تعاون کیا۔
انہوں نے کہا کہ بائیڈن انتظامیہ نے یہ کہہ کر ہاتھ جھاڑ لیے تھے کہ کابل سے امریکیوں کی واپسی فضا کے ذریعے تاریخ کی سب سے عمدہ واپسی تھی۔
وزیر دفاع کا کہنا تھا کہ بائیڈن دور میں افغانستان سے امریکی فوج کی واپسی تاریخ کی تباہ کن ترین واپسی تھی،ہم نے اربوں ڈالر کا اسلحہ طالبان کے حوالے کردیا، جن لوگوں نے افغانستان میں امریکیوں کو خطرے میں ڈالا انہپں ذمے دار ٹھہرایا جائے گا۔
مزید خبریں :
یو اے ای میں دو بھارتی شہریوں کو سزائے موت دیدی گئی
1 گھنٹے پہلے
