07 مارچ ، 2025 
برطانیہ میں نئی تاریخ رقم، ونڈسر کاسل کی ہزار سالہ تاریخ میں پہلی بار افطار پارٹی کا اہتمام
07 مارچ ، 2025
لندن: برطانوی بادشاہ چارلس کی شاہی رہائش گاہ ونڈسر کاسل میں افطار پارٹی کے اہتمام کے ساتھ برطانیہ میں نئی تاریخ رقم ہوگئی۔
برطانوی نشریاتی ادارے کی رپورٹ کے مطابق اتوار کو ونڈسر کاسل کی ایک ہزار سال کی تاریخ میں پہلی مرتبہ افطار کا اہتمام کیا گیا اور کاسل میں اذان کی صدا بلند ہوئی۔
افطار کا اہتمام مختلف ممالک کے سربراہوں اور شاہی ضیافتوں کیلئے مخصوص سینٹ جارجز ہال میں کیا گیا جس میں مسلم اور مقامی کمیونٹی کے ساڑھے تین سو سے زائد افراد نے شرکت کی۔
افطار کے وقت روزے داروں کو کھجوریں پیش کی گئیں اور خصوصی دعا کی گئی جس کے بعد کھانا بھی دیا گیا۔
افطار کا مقصد غیر مسلموں کو اسلام اور رمضان سے متعلق آگاہی فراہم کرنا تھا۔
منتظمین کا کہنا تھاکہ بادشاہ چارلس بین المذاہب ہم آہنگی کیلئے کی جانے والی کاوشوں کے چمپئن ہیں۔
اس سے قبل منگل کو برطانیہ کے دارالعوام کی جانب سے افطار ڈنر کا اہتمام کیا گیا جس میں تاریخ میں پہلی بار بر طانوی وزیراعظم نے شرکت کی۔
اس موقع پر تلاوت کلام پاک کے بعد رمضان کی اہمیت اجاگر کی گئی۔
مزید خبریں :
امریکا نے پاکستان کیلئے ٹریول ایڈوائزری جاری کردی
9 گھنٹے پہلے
سعودی ولی عہد شہزادہ محمد بن سلمان کا ویژن 2030 کیا ہے؟
08 مارچ ، 2025
