05 اپریل ، 2025 
100 سے زائد فلموں میں کام کرنیوالے سینیئر بھارتی اداکار چل بسے
05 اپریل ، 2025
بھارت کی تامل اور ملیالم فلموں کے سینیئر اداکار روی کمار مینن 71 برس کی عمر میں انتقال کر گئے۔
بھارتی میڈیا کے مطابق روی کمار کافی عرصے سے کینسر کے مرض میں مبتلا تھے۔ ان کا انتقال جمعہ کی صبح چنئی کے ایک نجی اسپتال میں ہوا۔
اداکار کے بیٹے نے ان کے انتقال کی تصدیق کی ہے۔ جیسے ہی یہ خبر سامنے آئی، سوشل میڈیا پر ان کے مداحوں نے گہرے دکھ اور تعزیت کا اظہار کیا۔
روی کمار نے اپنے فلمی کیریئر کا آغاز 1967 میں کیا، تاہم 1976 میں ایم کرشنن نائر کی ملیالم فلم 'امّاں' سے انہیں اصل شہرت ملی۔
بھارتی میڈیا کے مطابق روی کمار نے 100 سے زائد ملیالم اور تامل فلموں کے ساتھ کئی ٹی وی سیریلز میں بھی کام کیا۔
روی کمار کی آخری رسومات ہفتہ کو چنئی میں ان کی رہائش گاہ پر ادا کی جائیں گی۔
مزید خبریں :
پاکستان میں پیدا ہونے والے نامور بالی وڈ اداکار انتقال کر گئے
04 اپریل ، 2025
