02 اپریل ، 2025 
عامر خان کی سابقہ بیویوں کی ایک ساتھ عید منانے کی تصاویر وائرل
02 اپریل ، 2025
بالی وڈ کے نامور اداکار عامر خان کی سابقہ دونوں اہلیہ کی ایک ساتھ عید منانے کی تصویریں منظرِ عام پر آئی ہیں۔
فلمساز کرن راؤ نے اپنے سابق شوہر عامر خان کے اہلخانہ کے ساتھ عید مناتے ہوئے تصاویر انسٹاگرام پر شیئر کیں۔
ان تصویروں میں عامر کی سابقہ اہلیہ رینا دتہ کے ساتھ بھی ایک سیلفی بھی تھی جو سوشل میڈیا پر وائرل ہو رہی ہے اور صارفین کی توجہ سمیٹ رہی ہے۔
کرن راؤ کی پوسٹ میں پہلی تصویر میں عامر کی والدہ زینت حسین ہیں، کرن نے اس کے بعد رینا اور عامر کی بہنوں، نکھت ہیگڑے اور فرحت دتا کے ساتھ تصویر شیئر کیں تاہم عامر خان ان تصاویر میں موجود نہیں تھے۔
کرن نے کیپشن میں لکھا ’امی کے ہاں عید! جو سب سے بہترین اور سب سے خوبصورت میزبان ہیں۔ ہم امید اور دعا کرتے ہیں کہ یہ سال ہم سب کے لیے امن اور خوشی لائے‘۔
سوشل میڈیا صارفین نے کرن راؤ اور ان کے اہلخانہ کو عید کی مبارکباد دیتے ہوئے نیک تمناؤں کا اظہار کیا۔
چند صارفین نے اداکار کی سابقہ دونوں اہلیہ کو ساتھ دیکھ کر خاصی حیرانی کا اظہار کیا۔
مزید خبریں :
بالی وڈ اداکار عامر خان نے عید پر اپنے فینز کو کیا خاص تحفہ دیا؟
01 اپریل ، 2025
