07 اپریل ، 2025 
پاکستان
عدالت نے فرحان ملک کو ایک لاکھ روپے کے مچلکے جمع کرانے کا حکم دیتے ہوئے ان کی ضمانت منظور کی۔ فوٹو فائل
پیکا ایکٹ کے تحت گرفتار صحافی فرحان ملک کی ضمانت منظور، جیل سے رہا
07 اپریل ، 2025
پیکا ایکٹ کے تحت کراچی سے گرفتار ہونے والے صحافی فرحان ملک کی ضمانت منظور کر لی گئی۔
سیشن جج شرقی نے پیکا ایکٹ کے تحت درج مقدمے میں صحافی فرحان ملک کی ضمانت منظور کی۔
عدالت نے فرحان ملک کو ایک لاکھ روپے کے مچلکے جمع کرانے کا حکم دیتے ہوئے ان کی ضمانت منظور کی۔
بعد ازاں سپرنٹنڈنٹ ڈسٹرکٹ جیل ملیر نے بتایا کہ صحافی فرحان ملک کو ملیر جیل سے رہا کردیا گیا ہے، عدالت نے دو مقدمات میں فرحان ملک کی ضمانت منظور کی تھی، قانونی کارروائی پوری کرتے ہوئے فرحان ملک کو جیل سے رہا کردیا گیا۔
یاد رہے کہ صحافی فرحان ملک پر ایک مقدمہ پیکا ایکٹ کے تحت درج کیا گیا تھا جبکہ ان پر دوسرا مقدمہ منی لانڈرنگ اور غیر قانونی کال سینٹر چلانے کا درج ہے۔
