09 مارچ ، 2013 
حافظ سعید کا بادامی باغ لاہور میں ہنگامہ آرائی کی تحقیقات کا مطالبہ
09 مارچ ، 2013
لاہور … امیر جماعت الدعوة پروفیسر حافظ محمد سعید نے بادامی باغ میں ہنگامہ آرائی کی تحقیقات کرانے کا مطالبہ کردیا۔ ان کا کہنا ہے کہ کسی ایک شخص کے جرم پر عام لوگوں کے گھر جلانا کسی صورت درست قرار نہیں دیا جاسکتا۔ لاہور سے جاری بیان میں حافظ محمد سعید کا کہنا تھا کہ جس طرح اسلام نے نبی کی شان میں گستاخی کی سزا مقرر کی ہے اسی طرح اقلیتوں کے حقوق کے تحفظ کا بھی حکم دیا ہے، پاکستان میں نبی کریم ﷺ کی شان میں گستاخی کی سزا کا باقاعدہ قانون اور عدالتیں موجود ہیں، کسی شخص کو خود قانون اپنے ہاتھ میں لے کر جلاوٴ گھیراوٴ اور توڑ پھوڑ کی اجازت نہیں دی جاسکتی۔ حافظ سعید کا کہنا تھا کہ جو بھی توہین رسالت اور اس کے بعد توڑ پھوڑ اور جلاوٴ گھیراوٴ میں ملوث ہیں انہیں قانون کے مطابق سخت سزا دلوائی جائے۔
