پاکستان
13 مارچ ، 2013
13 مارچ ، 2013 
صدر زرداری اور وزیراعظم کی ملاقات، نگراں وزیراعظم پر گفتگو
13 مارچ ، 2013
اسلام آباد … صدر آصف علی زرداری سے وزیراعظم راجا پرویز اشرف نے ملاقات کی ، جس میں نگراں وزیراعظم کیلئے اپوزیشن لیڈر کے تجویز کردہ ناموں کے بعد کی صورتحال پر تبادلہ خیال کیا گیا۔ ذرائع کے مطابق ایوان صدر اسلام آباد میں وزیراعظم راجا پرویز اشرف نے آصف علی زرداری سے ملاقات کی جس میں وفاقی وزراء فاروق ایچ نائیک، خورشید شاہ، قمر زمان کائرہ اور دیگر اہم رہنماء بھی شریک تھے۔ صدر زرداری اور وزیراعظم کے درمیان ملاقات میں نگراں وزیراعظم کیلئے اپوزیشن لیڈر کے تجویز کردہ ناموں پر تبادلہ خیال کیا گیا۔ ذرائع کا کہنا ہے کہ صدر وزیراعظم ملاقات میں پیپلزپارٹی کی طرف سے نگراں وزیراعظم کے نام کو حتمی شکل دیئے جانے کا امکان ہے۔
