15 جون ، 2025 
بھارت میں دریا پر بنا پُل گرنے سے 6 افراد ہلاک
15 جون ، 2025
بھارت کے شہر پونے میں دریا پر بنا پُل گرگیا جس کے باعث 6 افراد ہلاک ہوگئے۔
بھارتی میڈیا کے مطابق بھارتی ریاست مہاراشٹرا کے شہر پونے میں دریا پر بنے پُل پر لوگ پانی کا تیز بہاؤ دیکھنے کیلئے جمع تھے۔
بھارتی میڈیا نے بتایاکہ واقعے کے وقت پُل پر 100 کے قریب سیاح موجود تھے، پُل گرنے کے بعد کچھ سیاحوں نے دریا میں تیرکر جان بچائی تاہم کئی افراد دریا میں ہی بہہ گئے۔
بھارتی میڈیا کے مطابق پل گرنے کے واقعے میں 6 افراد ہلاک اور 30 سے زائد زخمی ہوگئے جنہیں طبی امداد کیلئے اسپتال منتقل کردیا گیا۔
ریسکیو حکام نے بتایاکہ دریا میں بہہ جانے والے سیاحوں کی تلاش کا کام جاری ہے۔
بھارتی میڈیا کے مطابق پونے میں حادثے کا شکار ہونے والا پُل 30 سال پرانا تھا، خستہ حالی کی وجہ سے سیاحوں کا وزن برداشت نہ کرسکا۔
