بھارتی پائلٹ ابھینندن کو گرفتارکرنے والے میجر معیز خوارج سے لڑتے ہوئے شہید

بھارتی فضائیہ کے پائلٹ ابھینندن کو زندہ گرفتارکرنے والے پاک فوج کے میجرسید معیز عباس شاہ جنوبی وزیرستان میں خوارج دہشت گردوں کے خلاف آپریشن کے دوران شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان کے علاقے سراروغہ میں خفیہ اطلاعات پر سکیورٹی فورسز نے آپریشن کیا۔سکیورٹی فورسز نے خوارج کے ٹھکانے کو مؤثر طریقے سے نشانہ بنایا اور آپریشن میں بھارت کی سرپرستی میں سرگرم 11 خوارج ہلاک اور 7 زخمی ہوگئے۔

آئی ایس پی آر نے بتایاکہ شدید فائرنگ کے تبادلے میں میجر معیز عباس شاہ اور لانس نائیک جبران اللہ شہید ہوگئے۔

جنوبی وزیرستان میں سکیورٹی فورسز کی کارروائی میں 11 خوارج ہلاک، میجر معیز سمیت 2 جوان شہید

میجرسید معیز عباس شاہ آپریشن کی قیادت کررہے تھے، انہیں متعدد آپریشنز میں خوارج کے خلاف جرأت مندانہ کارروائیوں اور بہادری کیلئے جانا جاتا تھا: آئی ایس پی آر

آئی ایس پی آر کا کہنا ہے کہ میجر سید معیز عباس شاہ آپریشن کی قیادت کررہے تھے، میجر معیز شہید کو متعدد  آپریشنز میں خوارج کے خلاف جرأت مندانہ کارروائیوں اور بہادری کے لیے جانا جاتا تھا۔ 37 سالہ شہید میجر سید معیز عباس شاہ کا تعلق چکوال سے ہے جبکہ 27 سالہ شہید لانس نائیک جبران اللہ ضلع بنوں کے رہائشی تھے۔

یاد رہےکہ 27 فروری 2019کو  پاکستان نےلائن آف کنٹرول کی خلاف ورزی کرنے والے دو بھارتی لڑاکا طیاروں کو مار گرایا تھا اور ایک پائلٹ ونگ کمانڈر  ابھینندن کو زندہ گرفتار کرلیا تھا۔

پاکستانی حدود میں گرنےکے بعد پاکستانی شہری ابھینندن کو تشدد کا نشانہ بنارہے تھےکہ میجر معیز اپنی ٹیم کے ساتھ وہاں پہنچے اور ابھینندن کو پاکستانی شہریوں سے بچایا اور گرفتار کرلیا۔

میجر معیز شہید نے ابھینندن کی گرفتاری سے متعلق کیا بتایا تھا؟ 

واقعےکا ایک سال مکمل ہونے کے بعد میجر معیز نے جیو نیوز کے پروگرام کیپٹل ٹاک کے میزبان حامد میر کو بتایا تھا کہ ہماری کوشش تھی کہ ہم بھارتی پائلٹ کو زندہ گرفتار کریں، جب ہم بھارتی پائلٹ کے قریب پہنچے تو وہاں پاکستانی شہریوں نے ابھینندن کو گھیرا ہوا تھا۔

میجر معیز نے بتایا کہ ابھینندن نے ہمارا یونیفارم دیکھا تو گرفتاری پیش کردی اور کہا کہ مجھے بچائیں، جس کے بعد ہم نے اسے طبی امداد دی اور اسے گرفتار کرکے وہاں سے لے گئے۔

بعد ازاں حکومت پاکستان نے جذبہ خیرسگالی کے تحت گرفتار بھارتی پائلٹ کو رہا کرتے ہوئے اسے  واہگہ بارڈر پر بھارتی حکام کے حوالےکر دیا۔

گرفتار بھارتی پائلٹ ابھی نندن واہگہ بارڈر پر بھارت کے حوالے

وزیراعظم عمران خان نے جذبہ خیرسگالی کے تحت بھارتی پائلٹ ابھی نندن کو رہا کرنے کا اعلان کیا تھا۔

بھارتی پائلٹ’ ابھی نندن‘ کو چائے کس نے پیش کی اور کپ کہاں ہے؟

27 فروری بھارت کو سرپرائز کرنے کے بعد بھارتی پائلٹ ابھی نندن کو پاک فوج کے اہلکار سے گفتگو