پاکستان
02 مارچ ، 2012
02 مارچ ، 2012 
کراچی:کورنگی میں ٹرالر کی موٹر سائیکل کو ٹکر، 3 افراد جاں بحق
02 مارچ ، 2012
کراچی … کراچی کے علاقے کورنگی میں چمڑا چورنگی کے قریب ٹرالر کی ٹکر سے 3 موٹرسائیکل سوار جاں بحق جبکہ ایک زخمی ہوگیا ۔ جیو نیوز کے نمائندے طلحہ ہاشمی کے مطابق کورنگی کے علاقے چمڑا چورنگی کے قریب ایک تیز رفتار ٹرالر نے موٹر سائیکل کو ٹکر ماردی جس کے نتیجے میں 3 افراد جاں بحق اور ایک زخمی ہوگیا جبکہ ٹکر سے موٹر سائیکل مکمل طور پر تباہ ہوگئی ۔ واقعے کے بعد مشتعل افراد نے ٹرالر کو آگ لگادی تاہم پولیس نے موقع پر پہنچ کر ٹرالر کو مکمل طور پر جلنے سے بچالیا۔ کراچی میں ایسے واقعات روز کا معمول بن گئے ہیں اور اس کے نتیجے میں متعدد افراد لقمہ اجل بن جاتے ہیں تاہم انتظامیہ کی جانب سے ان ٹرالرز کے خلاف کارروائی ایک خواب بن گیا ہے۔
مزید خبریں :
