پاکستان
26 مارچ ، 2013
26 مارچ ، 2013 
این اے 105 گجرات سے احمد مختار ہی امیدوار ہوں گے، منظوروٹو
26 مارچ ، 2013
لاہور…پیپلز پارٹی سنٹرل پنجاب کے صدر میاں منظور احمد وٹو کا کہنا ہے کہ گجرات این اے 105 سے احمد مختار ہی پیپلز پارٹی کے امیدوار ہیں،ق لیگ کو کوئی مسئلہ ہے تو بیٹھ کر بات کرے۔لاہور میں پریس کانفرنس کرتے ہوئے منظور وٹو کا کہنا تھا کہ پنجاب میں پیپلز پارٹی کے اپنے کارڈ شو کرنے کا وقت آ گیا ہے، قیادت کی طرف سے ایم این اے کے ساتھ ایم پی اے کا الیکشن لڑنے کا بھی کہا گیا ہے۔ منظور وٹو کا کہنا تھا کہ فخر امام کو پیپلز پارٹی کی ٹکٹ نہیں ملی اس لئے وہ مسلم لیگ ن میں شامل ہو گئے الیکشن میں لوگ پارٹیاں بدلتے رہتے ہیں۔ پیپلز پارٹی چونکہ بڑی پارٹی ہے اس لئے زیادہ لوگ یہاں سے جا رہے ہیں۔
