پاکستان
04 مارچ ، 2012
04 مارچ ، 2012 
آزاد کشمیر اور سوات سمیت بالائی علاقوں میں برفباری اور بارش
04 مارچ ، 2012
اسلام آباد…ملک کے بالائی علاقوں میں ہلکی برف باری اور بارش کا سلسلہ وقفے وقفے سے جاری ہے۔ لواری ٹنل پر بھی برف باری کا سلسلہ شروع ہوگیا ہے۔مالاکنڈ ڈویژن میں بادل چھائے ہوئے ہیں۔ کالام اور لوائی میں آج صبح سے ہلکی برف باری ہورہی ہے جبکہ مینگورہ اور گردونواح میں ہلکی بارش سے موسم خوش گوار ہوگیا۔ لواری ٹنل پر گزشتہ رات سے وقفے وقفے سے برف باری کا سلسلہ جاری ہے۔آزاد کشمیر کے بالائی علاقوں اٹھ مقام ،گوندل شاہی اور گردونواح میں ہلکی بارش ہوئی۔ مظفر آباد اور نشیبی علاقوں میں بھی سرد ہوائیں چل رہی ہیں۔چمن ، زیارت اور کان مہتر زئی سمیت شمال مشرقی بلوچستان میں موسم ابر آلود ہے۔ آج صبح بعض علاقوں میں بارش بھی ہوئی۔
