03 جون ، 2013 
خلیجی ممالک کا حزب اللہ کیخلاف کارروائی پر غور
03 جون ، 2013
جدہ… خلیجی ممالک نے کہا ہے کہ اگر حزب اللہ نے شام میں مداخلت جاری رکھی تواس کے خلاف کارروائی کرنے پر غور کیا جائے گا۔ سعودی عرب کے شہرجدہ میں خلیج تعاون کونسل کے وزرائے خارجہ کا اجلاس ہوا۔اجلاس کے بعد میڈیا سے گفتگو کرتے ہوئے بحرین کے نائب وزیر خارجہ نے الزام لگایا کہ ایران اور اس کی اتحادی حزب اللہ شام میں مداخلت کر رہے ہیں جس کی وجہ سے ہزاروں بے گناہ افراد جاں بحق ہوئے۔ اگر حزب اللہ نے شام کی خانہ جنگی میں مداخلت بند نہ کی تو اس کے خلاف کارروائی پرغورکیاجائے گا۔امریکا اور عرب لیگ نے حزب اللہ سے شام میں لڑنے والے اپنے جنگجووٴں کوواپس بلانیکامطالبہ بھی کیاہے۔ گزشتہ ہفتے فرانس نے کہا تھا کہ حزب اللہ کے 4 ہزار جنگجو صدر بشار الاسد کی فوج کے ساتھ مل کرباغیوں سے لڑ رہے ہیں۔
مزید خبریں :
