21 جون ، 2013 
کراچی: بلال کالونی میں فائرنگ اور دھماکا، ایک شخص جاں بحق،7 زخمی
21 جون ، 2013
کراچی … کراچی کے علاقے بلال کالونی میں نامعلوم افراد کی فائرنگ سے ایک شخص جاں بحق ہوگیا، 7 افراد زخمی ہیں جبکہ واقعے کے بعد پولیس پارٹی کے پہنچنے پر دھماکا بھی ہوا۔ نمائندہ جیو نیوز طلحہ ہاشمی کے مطابق کورنگی کے علاقے بلال کالونی میں ایک پارک میں نامعلوم افراد نے فائرنگ کردی جس کے نتیجے میں 8 افراد زخمی ہوئے جنہیں مختلف اسپتالوں میں منتقل کیا گیاجہاں ایک شخص زخموں کی تاب نہ لاتے ہوئے چل بساجبکہ مزید افراد کی حالت بھی تشویشناک بتائی جاتی ہے۔ نمائندہ جیو نیوز کے مطابق واقعے کے بعد پولیس پارٹی کے پہنچنے پر ایک زور دار دھماکا بھی ہوا تاہم دھماکے میں کسی کے زخمی ہونے کی اطلاع نہیں ملی۔ ایس ایس پی عمران شوکت کے مطابق دھماکے کا نشانہ پولیس اہلکار تھے، تاحال دھماکے کی نوعیت سے متعلق کچھ معلوم نہیں ہوسکا۔
