21 جون ، 2013 
کراچی : بلال کالونی میں فائرنگ اور دھماکا، ایک شخص جاں بحق، 14 زخمی
21 جون ، 2013
کراچی … کورنگی کے علاقے بلال کالونی میں نامعلوم افراد کی فائرنگ اور دستی بم حملے میں ایک شخص جاں بحق جبکہ 14 افراد زخمی ہوگئے۔ نمائندہ جیو نیوز طلحہ ہاشمی کے مطابق کورنگی بلال کالونی میں ایک پارک میں نامعلوم افراد نے فائرنگ کی جس کے نتیجے میں 8 افراد زخمی ہوگئے ، 6 افراد کو جناح اور 2 کو مقامی اسپتال منتقل کیا گیا جن میں سے ایک زخموں کی تاب نہ لاتے ہوئے چل بسا۔ شعبہ ایمرجنسی جناح اسپتال کی ایگزیکٹو ڈائریکٹر ڈاکٹر سیمی جمالی کے مطابق 2 سے 3 زخمیوں کی حالت تشویشناک ہے۔ نمائندے کے مطابق فائرنگ کے واقعے کے بعد پولیس کے پہنچنے پر نامعلوم ملزمان نے دستی بم حملہ کردیا جس کے نتیجے میں مزید 7 افراد زخمی ہوگئے ، زخمیوں کو اسپتال منتقل کیا جارہا ہے۔ واقعے کے بعد علاقے میں صورتحال کشیدہ ہے جبکہ پولیس اور رینجرز کی مزید نفری بھی طلب کرلی گئی ہے۔
