02 اگست ، 2013 
چوروں اور ڈاکووٴں کیلئے فیصل آباد نو گو ایریا بن گیا
02 اگست ، 2013
فیصل آباد…چوروں ،ڈاکووٴں اور اغوا کاروں کے لئے فیصل آباد کو وہاں کے شہریوں نے نوگو ایریا بنا دیا ہے۔ایک ہفتے کے دوران تین بار چین و سکون لوٹنے کی کوشش کرنے والے افراد سے اہل فیصل آباد نے ان کا ہی چین و سکون لوٹ لیا۔فیصل آباد کے شہریوں نے لٹیروں کو صاف پیغام دے دیا،کچھ بھی کرنا،فیصل آباد میں اپنی فنکاری دکھانے کی کوشش نہ کرنا۔ورنہ مارپڑے گی۔ فیصل آباد میںآ ج بھی دو خواتین اور ایک مرد ڈاکو پر مشتمل گروہ ،فیصل آباد کے علاقے غلام محمد آباد میں ڈکیتی کے لئے داخل ہوا تھا،مگر جی دار فیصل آبادیوں نے انہیں دھرلیا،پھر خوب ٹھکائی لگائی۔گزشتہ روز بھی فیصل آباد کے علاقے سلطانی ٹاوٴن میں شہریوں نے چور کو پکڑ ا تھا،پھر ہاتھ پیر باندھ کر اس کی طبیعت بھی صاف کی تھی۔فیصل آباد کے شہری اغوا کاروں کے لئے بھی ڈراوٴنا خواب بن گئے ہیں۔جنہوں نے فیصل سے بچوں کو اغوا کرکے 5،500 میں فروخت کرنے والے اغواکاروں کو ڈھونڈ نکالا۔کمرے میں محبوس رکھا اور پھر پولیس کے حوالے کردیا۔
