04 اکتوبر ، 2013 
کراچی :لی مارکیٹ کے قریب سے ایک شخص کی بوری بند لاش برآمد
04 اکتوبر ، 2013
کراچی…کراچی میں لی مارکیٹ کے قریب سے ایک شخص کی بوری بند لاش ملی،جبکہ اسٹیل ٹاوٴن میں فائرنگ سے پولیس سب انسپکٹر زخمی ہوگیا۔پولیس کے مطابق اسٹیل ٹاوٴن کے علاقے میں قائم ایل آیٹ مارکیٹ میں پولیس اور ملزمان کے درمیان فائرنگ کا تبادلہ،جس کے دوران ملزمان کی فائرنگ سے پولیس سب انسپکٹر زخمی ہوا،زخمی سب انسپکٹر کا نام نظام الدین ہے،جو تھانہ اسٹیل ٹاوٴن میں تعینات تھا،مسلح ملزمان فرار ہونے میں کامیاب ہوگئے،پولیس حکام کا کہنا ہے کہ ملزمان لوٹ مار میں ملوث تھے کہ پولیس کے پہنچنے کے بعد فائرنگ کا تبادلہ ہوا،ادھر لی مارکیٹ کے قریب واقع تانگہ اسٹینڈ کے قریب سے ایک شخص کی بوری میں بند لاش ملی،جبکہ گارڈن ایسٹ کے علاقے میں نجی سیکورٹی کمپنی کے دو گارڈز کے درمیان جھگڑا ہوا،جس کے بعد ایک سیکورٹی گارڈ کی فائرنگ سے دو سیکورٹی گارڈ زخمی ہوگیا۔
