04 اکتوبر ، 2013 
کوئٹہ : ڈاکٹر مناف ترین کی عدم بازیابی ، علامتی ہڑتال کا سلسلہ جاری
04 اکتوبر ، 2013
کوئٹہ…کوئٹہ سے ماہر امراض قلب ڈاکٹر مناف ترین کو تاحال بازیاب نہیں کرایا جاسکا، ان کی عدم بازیابی کے خلاف ڈاکٹرز تنظیموں کی جانب سے سرکاری ہسپتالوں کے او پی ڈیز میں علامتی ہڑتال کا سلسلہ جاری ہے۔مناف ترین کی عدم بازیابی کے خلاف پاکستان میڈیکل ایسوسی ایشن بلوچستان اور ینگ ڈاکٹرز سمیت ڈاکٹروں کی دیگر تنظیموں کی جانب سے سرکاری ہسپتالوں میں صبح آٹھ بجے سے دوپہر بارہ بجے تک چار گھنٹے کے لئے علامتی ہڑتال کا سلسلہ جاری ہے۔، ڈاکٹروں کا مطالبہ ہے مغوی ڈکٹر منافر ترین کو جلد بحفاظت بازیاب کیا جائے۔ دوسری جانب ڈاکٹروں کی ہڑتال کے باعث روزانہ ہسپتالوں میں آنے والے غریب اور مستوسط طبقے سے تعلق رکھنے والے مریضوں کو سخت پریشانی کا سامنا ہے۔ ڈاکٹر پروفیسر مناف ترین کو سترہ روز قبل کوئٹہ کے علاقے پشین اسٹاف سے مسلح افراد اغوا کر کے لے گئے تھے۔
