26 جون ، 2025 
دنیا
فنی خرابی سامنے آنے کے بعد امریکی پرواز کی ہیری ریڈ ائیرپورٹ پرہنگامی لینڈنگ کروائی گئی/ فائل فوٹو
لاس ویگاس: پرواز بھرتے ہی امریکی طیارے سے آگ کے شعلے نکلنے کی ویڈیو سامنے آگئی
26 جون ، 2025
لاس ویگاس : امریکی ائیرلائن کا مسافرطیارہ ایک بڑے حادثے سے بال بال بچ گیا۔
غیر ملکی خبر رساں ادارے کے مطابق لاس ویگاس سے شارلٹ جانے والے امریکی طیارےمیں فنی خرابی سامنے آئی جس کے بعد امریکی پرواز کی ہیری ریڈ ائیرپورٹ پرہنگامی لینڈنگ کروائی گئی۔
میڈیا رپورٹس کے مطابق پرواز اے اے 1665 میں 165 مسافرسوار تھے، فنی خرابی سامنے آنے پر طیارے کو اڑان بھرنے کے 8 منٹ بعد ہی اتار لیاگیا۔
طیارےکے انجن سے آگ کے شعلے نکلنے سے دھماکوں کی آوازیں سنی گئیں جس کی ویڈیو بھی سامنےآئی ہے ۔
ائیرپورٹ حکام کے مطابق واقعہ میں کوئی شخص زخمی نہیں ہوا۔
