28 نومبر ، 2013 
پہلے لفٹر،اب اسٹیج، عمران خان پھر لڑکھڑا گئے!
28 نومبر ، 2013
لاہور…تحریک انصاف کے چیئرمین آج پھر ایک تقریب کے دوران اسٹیج پر لڑکھڑا گئے،وہ خود ہی نہیں گھبرائے حاضرین کے دل بھی دہل سے گئے۔ لاہور کے مقامی ہوٹل میں ہونے والی تقریب میں رنگ میں بھنگ پڑتے پڑتے رہ گیا، عمران خان خطابت کے جوہر دکھا کر اترے بھی نہ تھے کہ کئی مداح اسٹیج پر امڈ آئے، فوٹو سیشن کے شوق نے کچھ ایسا رنگ اور زور پکڑ ا کہ لکڑی کی میزوں سے بنے ناتواں اسٹیج کو صدائے احتجاج بلند کرنا پڑی۔اسٹیج ہلا تو حاضرین کے قدم ڈگمگائے، عمران خان بھی لڑکھڑائے، خان صاحب لڑکھڑائے تو سب کے دل گھبرائے۔گزشتہ حادثہ نظروں کے سامنے گھوم گیا۔ لفٹر سے گرنے کا منظر سب کو ہلا گیا، پچھلی بار گرے تو سنبھل نہ پائے تھے، اس بار معاملہ بگڑنے سے پہلے ہی خود کو سنبھالا اور خوش قسمتی سے سنبھل ہی گئے، صحیح بات ہے، دو دھ کا جلا چھاچھ بھی پھونک پھونک کر پیتا ہے۔
