پاکستان
16 دسمبر ، 2013
16 دسمبر ، 2013 
سقوط ڈھاکہ پاکستان کی تاریخ کا سیاہ باب ہے، الطاف حسین
16 دسمبر ، 2013
لندن … متحدہ قومی موومنٹ کے قائد الطاف حسین نے کہا ہے کہ سقوط ڈھاکہ پاکستان کی تاریخ کا ایک سیاہ باب ہے، اسے فراموش نہیں کیا جاسکتا۔ اپنے ایک بیان میں قائد الطاف حسین نے کہا کہ بنگالیوں کو حقوق دینے کے بجائے ان کی آواز کو دبانے کیلئے فوج کشی کی گئی، جن بنگالیوں نے قیام پاکستان کے لئے بیش بہا قربانیاں دیں انہیں ان کے جائز حقوق سے محروم رکھا گیا اور زندگی کے ہر میدان میں ان کے ساتھ ناانصافیاں کی گئیں۔ اقتدار مافیا نے پاکستان کو دو لخت کرنا گوارہ کرلیا لیکن بنگالی عوام کو جائز حقوق دینا گوارہ نہ کیا ۔ الطاف حسین کا کہنا تھا کہ وقت کا تقاضا ہے کہ ہم ماضی کی غلطیوں سے سبق سیکھیں اور پرانی روش چھوڑدیں۔
مزید خبریں :
