20 دسمبر ، 2013 
کراچی:سبزی منڈی دھماکے میں 2افراد جاں بحق، ایس ایچ او سمیت 14زخمی
20 دسمبر ، 2013
کراچی…پرانی سبزی منڈی کے قریب دھماکے میں 2افراد جاں بحق اور 14زخمی ہوگئے۔ تفصیلات کے مطابق پرانی سبزی منڈی میں شاہ ژوب ہوٹل کے قریب رہائش پذیر موچکو تھانے کے ایس ایچ او شفیق تنولی جیسے ہی اپنے گھر پہنچے نامعلوم ملزمان نے ان کے گاڑی سے اترتے ہی قریب کھڑی موٹرسائیکل میں نصب بم کو دھماکے سے اڑا دیا جس کے نتیجے میں 2افراد جاں بحق اور 14زخمی ہوگئے۔ دھماکے سے شفیق تنولی بھی زخمی ہوئے ہیں جنہیں ایک نجی اسپتال منتقل کیا گیا ہے جبکہ دیگر زخمیوں کو جناح اسپتال منتقل کیا گیا ہے جن میں سے کئی کی حالت تشویشناک ہے۔ دھماکے سے شفیق تنولی کی گاڑی مکمل طور پر تباہ ہوگئی جبکہ ان کے گھر کو بھی نقصان پہنچا۔ڈی آئی جی منیرشیخ کا کہنا ہے کہ ایس ایچ اوشفیق تنولی کوچوٹیں آئی ہیں، جبکہ شفیق تنولی نے ایس ایس پی فاروق اعوان کوبیان دیا ہے کہ دہشت گرد نے موٹرسائیکل میری گاڑی سے ٹکرائی، لگتا ہے مجھ پر خودکش حملہ کیا گیا۔
