28 دسمبر ، 2013 
سابق گورنر بلوچستان نواب ذوالفقار مگسی کا بیٹا قتل کے الزام میں گرفتار
28 دسمبر ، 2013
کراچی…کراچی کے علاقے ڈیفنس میں معمولی جھگڑے پر سیکیورٹی گارڈ کے قتل کا مقدمہ درج ہوگیا۔ سابق گورنر بلوچستان نواب ذوالفقار مگسی کے بیٹے کو قتل کے الزام میں گرفتار کرلیاگیا۔ پولیس کے مطابق جمعرات کی رات تین افراد نے ڈیفنس فیز8 میں واقع نجی سینما گھرمیں گھسنے کی کوشش کی۔ سیکیورٹی پرمامور گارڈز کے روکنے پرانھوں نے ایک گاڑی کو نقصان پہنچایا اورایک گارڈ کی رپیٹر چھین کر فائرنگ کردی۔ فائرنگ کی زد میں آکر آصف نامی سیکیورٹی گارڈ جاں بحق ہوگیا۔ مقتول آصف کے بھائیوں کی مدعیت میں فبیان مگسی سمیت تین ملزمان کے خلاف مقدمہ درج کرلیا گیا۔ پولیس نے تینوں افراد کو اسلحہ سمیت گرفتار کرلیا ہے۔ ایس ایچ او درخشاں زوار حسین کے مطابق ان پر کوئی دباوٴ نہیں۔ ڈی آئی جی ساوٴتھ عبدالخالق شیخ کا کہنا ہے کہ فبیان مگسی، سابق گورنربلوچستان نواب ذوالفقار مگسی کا سوتیلا بیٹا ہے۔
مزید خبریں :
خواجہ سعد رفیق کا ایکس پر پابندی ختم کرنے کا مطالبہ
7 گھنٹے پہلے
عرب دنیا کیلئے میری ٹائم دہشتگردی بڑاچیلنج کیوں؟
11 گھنٹے پہلے
