06 مارچ ، 2014 
مقتدر حلقوں کی شمولیت کے بغیر آگے نہیں بڑھ سکتے،مولانا سمیع الحق
06 مارچ ، 2014
اسلام آباد…ناشتے کی میز پر ہونے والی ملاقات میں طالبان اور حکومتی کمیٹی کے مذاکراتی عمل پر غور کیا کیا ۔ اسلام آباد میں وزیراعظم نوازشریف سے حکومت اور طالبان کمیٹیوں کے ارکان نے ملاقات کی جس میں وزیرداخلہ چودھری نثا ر بھی شریک ہوئے ، ملاقات میں مذاکراتی عمل کے آئندہ لائحہ عمل سے متعلق تبادلہ خیال ہوا، بعد میں میڈیا سے گفتگو میں مولانا سمیع الحق نے کہا کہ وزیراعظم نے مذاکرات سے معاملات آگے بڑھانے پر پرعزم ہیں۔مولانا سمیع الحق نے کہا کہ معاملات ایسے مقام پر پہنچ چکے ہیں کہ بااختیار حلقوں کی شمولیت کے بغیر آگے نہیں بڑھ سکتے۔انہوں نے کہا کہ طالبان اسلام آباد میں دہشت گردی کے واقعے سے اظہار لاتعلقی کرچکے ہیں جلد حکومت اور طالبان کمیٹی کے ارکان شمالی وزیرستان جاکر اس معاملے پر وضاحت لیں گے ۔
