08 مارچ ، 2014 
ملک ریاض کا تھرمتاثرین کیلئے20 کروڑ روپے امداد کااعلان
08 مارچ ، 2014
اسلام آباد…بحریہ ٹاوٴن کے چیئرمین ملک ریاض نے تھر پارکر کے متاثرین کے لیے 20 کروڑ روپے امداد کا اعلان کردیا۔ متاثرہ خاندانوں کو خوراک اور طبی سہولت فراہم کی جائے گی۔ کھانے پینے کا سامان آج دوپہر تک تھر پہنچادیا جائے گا، ان خیالات کا اظہار انہوں نے جیو نیوز سے گفتگو میں کیا۔بحریہ ٹاوٴن کے چیئرمین ملک ریاض کا کہنا ہے کہ تھرپارکر کے ہرمتاثرہ خاندان کی بحالی تک انہیں خواراک، طبی سہولتیں اور رقم فراہم کی جائے گی۔ متاثرہ خاندانوں کی بحالی تک بحریہ ٹاوٴن کی ٹیمیں تھرمیں رہیں گی۔ ملک ریاض نے کہا کہ کھانے پینے کی اشیا، دوائیں اورمیڈیکل ٹیم تھر کے لیے روانہ کردی ہیں۔ آج دوپہر 12بجے تک ہرمتاثرہ خاندان کو گھی،آٹا، چاول چینی اور دیگر اشیا پرمشتمل پیکٹ مل جائے گا۔ملک ریاض کا کہنا ہے کہ 20 کروڑ روپے تو چھوٹی رقم ہے اہل وطن کے لیے ان کی جان بھی حاضر ہے۔
مزید خبریں :
