03 اپریل ، 2014 
مشرف کا ای سی ایل سے نام نہ نکالنے کے فیصلے کی تائید کرتے ہیں، قمر کائرہ
03 اپریل ، 2014
نوڈیرو…پیپلز پارٹی کے رہنما قمرزمان کائرہ نے کہا ہے کہ مشرف کا ای سی ایل سے نام نہ نکالنے کے فیصلے کی تائید کرتے ہیں، پرویز مشرف کے معاملے میں آئینی تقاضوں کے مطابق کام کیاجائے۔ نوڈیرو میں پیپلز پارٹی سینٹرل ایگزیکٹوکمیٹی کے اجلاس کے بعد میڈیا کو بریفنگ دیتے ہوئے قمر زمان کائرہ کا کہنا تھا کہ ذوالفقاربھٹوکے وژن اورمنشور کے مطابق پارٹی کی تنظیم نوکی جائے گی، دھمکیوں سے لیڈر شپ کو خوف زدہ نہیں کیا جاسکتا، سیاستدانوں کو تو آئین کے تحت مقدمات درج کر کے پھانسی چڑھا دیا جاتا ہے۔ انہوں نے بتایا کہ سی ای سی نے پیپلزپارٹی سندھ کوایم کیوایم سے مثبت مذاکرات کرنے کی ہدایت کی ہے، سی ای سی نے ایم کیو ایم سے مذاکرات پر جلد حتمی نتیجہ دینے کی بھی ہدایت کی ہے۔ قمرزمان کائرہ نے مزید کہا کہ طالبان سے حکومتی مذاکرات کی حمایت کرتے ہیں، طالبان مذاکرات پر پارلیمنٹ کو بھی اعتماد میں لینا چاہیے۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
20 جون ، 2025
کراچی کے مختلف علاقوں میں ایک بار پھر زلزلے کے جھٹکے
20 جون ، 2025
