15 اپریل ، 2014 
کراچی میں ڈیتھ اسکواڈ کی غیرقانونی سرگرمیاں روکی جائیں،الطاف حسین
15 اپریل ، 2014
لندن…متحدہ قومی موومنٹ کے قائد الطاف حسین نے کراچی کے مختلف علاقوں سے سادہ لباس میں ملبوس نقاب پوش اہلکاروں کے ہاتھوں ایم کیوایم کے کارکنوں کی غیرقانونی گرفتاریوں کی بڑھتی ہوئی وارداتوں پر گہری تشویش کااظہارکیاہے۔ اپنے ایک بیان میں الطاف حسین نے ڈی آئی جی کراچی شاہدحیات ، آئی جی سندھ اقبال محمود اورڈی جی رینجرز جنرل رضوان اختر سے مطالبہ کیا کہ وہ سادہ لباس میں ملبوس اہلکاروں کے ہاتھوں ایم کیوایم کے بے گناہ کارکنوں اوران کے اہل خانہ کی گرفتاریوں کانوٹس لیں اور لاپتہ کارکنوں کو فوری بازیاب کرائیں۔ انہوں نے یہ بھی مطالبہ کیاکہ جواہلکار اس غیرقانونی عمل میں ملوث ہیں ان کے خلاف سخت ایکشن لیا جائے اورکراچی میں سرگرم عمل ڈیتھ اسکواڈ کی غیرقانونی سرگرمیاں فوری روکی جائیں ورنہ عوام اس غیرقانونی، غیرآئینی ، غیرانسانی اورغیرجمہوری عمل کے خلاف بھرپور احتجاج پر مجبورہوں گے۔
مزید خبریں :
ماہِ رمضان میں کراچی اور لاہور کا موسم کیسا رہے گا؟
4 گھنٹے پہلے
لاہور پولیس میں پہلی مرتبہ 100 سے زائد اہلکار برطرف
3 گھنٹے پہلے
