16 اپریل ، 2014 
پنجاب ہیلتھ ریفارمز روڈ میپ مرتب کرنے کا فیصلہ
16 اپریل ، 2014
لاہور… پنجاب حکومت نے محکمہ صحت کی کارکردگی بہتر بنانے اور عوام کو بہترین طبی سہولتیں فراہم کرنے کے لیے پنجاب ہیلتھ ریفارمز روڈ میپ مرتب کرنے کا فیصلہ کرلیا۔ وزیراعلیٰ پنجاب شہبازشریف سے برطانوی ترقیاتی ادارے ڈیفڈکے خصوصی نمائندے مائیکل باربر اورڈیفڈکے سربراہ رچرڈمنٹگمری نے ملاقات کی۔وزیراعلیٰ کا کہنا تھا کہ بیماریوں سے بچاوٴکیلئے ویکسی نیشن پروگرام کی کوریج کا دائرہ وسیع کرنے کی ضرورت ہے۔انہوں نے بتایاکہ پنجاب ہیلتھ ریفارمز روڈمیپ پر پنجاب اسکولزریفارمز روڈمیپ کی طرز پر عمل کیا جائے گا اور زچہ و بچہ کی صحت پر توجہ دی جائے گی۔وزیراعلیٰ پنجاب نے پنجاب انفارمیشن ٹیکنالوجی بورڈ کو روڈمیپ کے حوالے سے ڈیجیٹل مانیٹرنگ کا موٴثر نظام وضع کرنے کی بھی ہدایت کی۔
