لندن…متحدہ قومی موومنٹ کے قائد الطاف حسین نے ایم کیوایم میڈیکل ایڈکمیٹی عباسی شہیداسپتال یونٹ کے کارکن معین الدین کی المناک شہادت پرگہرے رنج وغم اورافسوس کا اظہارکیاہے۔ایک بیان میں الطا ف حسین نے معین الدین شہیدکے سوگوارلواحقین سے دلی تعزیت وہمدردی کااظہارکرتے ہوئے انہیں صبرکی تلقین کی اورکہاکہ مجھ سمیت ایم کیوایم کے تمام کارکنان آپ کے غم میں برابرکے شریک ہیں۔ الطاف حسین نے دعاکی کہ اللہ تعالیٰ معین الدین شہیدکواپنی جواررحمت میں اعلیٰ مقام عطافرمائے اورسوگوارلواحقین کو صبرجمیل عطاکرے۔(آمین)۔دریں اثناء متحدہ قومی موومنٹ کی رابطہ کمیٹی نے میڈیکل ایڈکمیٹی عباسی شہیداسپتال یونٹ کے کارکن معین الدین کونامعلوم افرادکی جانب سے فائرنگ کرکے قتل کرنے کی سخت ترین الفاظ میں مذمت کی ہے اوراسے شہرکاامن خراب کرنے کی گھناؤنی سازش کاحصہ قراردیاہے۔ایک بیان میں رابطہ کمیٹی نے کہاکہ بعض امن دشمن قوتیں شہرکاامن خراب کرنے کے لئے گھناؤنی منصوبہ بندی کے تحت تسلسل کے ساتھ ایم کیوایم کے ذمہ داران،کارکنان اورہمدردوں کودہشت گردی کانشانہ بنارہے ہیں اورمعین الدین کاقتل بھی اسی سازش کاحصہ ہے جس کی جنتی بھی مذمت کی جائے کم ہے۔رابطہ کمیٹی نے معین الدین کے سوگوارلواحقین سے دلی تعزیت وہمدردی کااظہارکرتے ہوئے دعاکی کہ اللہ تعالیٰ شہیدکی مغفرت فرمائے اورسوگوارلواحقین کویہ صدمہ برداشت کرنے کاحوصلہ دے۔رابطہ کمیٹی نے وزیراعلیٰ سیدقائم علی شاہ اورگورنرسندھ ڈاکٹرعشرت العبادسے مطالبہ کیاکہ معین الدین کے قتل کانوٹس لیاجائے اورقتل میں ملوث دہشت گردوں کوگرفتارکرکے عبرتناک سزادی جائے۔علاوہ ازیں واقعے کی اطلاع ملتے ہی ایم کیوایم کی رابطہ کمیٹی کے ارکان سیدامین الحق اوراسلم آفریدی نے عباسی شہیداسپتال پہنچ گئے اورموقع پرموجودمعین الدین کے سوگوارلواحقین سے ملاقات کرکے انہیں دلاسہ دیااورواقعے کی تفصیلات معلوم کیں۔اس موقع پرمیڈیکل ایڈکمیٹی اورایم کیوایم کے دیگرذمہ مہ داران وکارکنان بھی موجودتھے۔