29 مئی ، 2014 
قومی اقتصادی کونسل اورمشترکہ مفادات کونسل کے اجلاس آج ہونگے
29 مئی ، 2014
اسلام آباد…آئندہ بجٹ کی ابتدائی منظوری کے لیے وزیر اعظم میاں نواز شریف آج قومی اقتصادی کونسل کے اجلاس کی صدارت کریں گے۔اس کے علاوہ آغاز حقوق بلوچستان اور صوبوں کے درمیان پانی کی تقسیم جیسے امور پر مشترکہ مفادات کونسل کا اجلاس بھی اسلام آباد میں ہورہا ہے۔ اسلام آباد میں قومی اقتصادی کونسل کے اجلاس میں چاروں صوبوں کے وزراء اعلیٰ بھی شریک ہوں گے جس میں حکام آئندہ مالی سال کیلئے معاشی ترقی کے اہداف مقرر کریں گے۔مالی سال 15-2014میں معاشی ترقی کا ہدف 5.1فیصد مقررکیے جانے کا امکان ہے۔حکومت عوام کی فلاح کے منصوبوں کے لیے 13 کھرب روپے سے زائد کے ترقیاتی بجٹ کی منظوری بھی دے گی۔اس کے علاوہ وزیر اعظم میاں نواز شریفمشترکہ مفادات کونسل کے اجلاس کی بھی صدارت کریں گے جس میں حکومت کے وژن 2025، آئندہ پانچ سالہ ترقیاتی منصوبے، صوبوں کے مالی امور ، بجلی کی پیدوار میں اضافے اور واجبات کی ادائیگی کے علاوہ بجلی چوری کی روک تھام کے معاملات پر غور کیا جائے گا۔
مزید خبریں :
بجٹ میں صنعتوں کے فروغ کیلئے بھاری فنڈز رکھنےکا فیصلہ
06 جون ، 2025
سونے کی فی تولہ قیمت میں ہزاروں روپے کا اضافہ
05 جون ، 2025
ملک میں آج سونے کی قیمت کیا رہی؟
04 جون ، 2025
