کراچی.......کراچی ایئرپورٹ فوکر گیٹ سے تین سے چار مسلح افراد ائیرپورٹ میں داخل ہوئے ہیں اور فائرنگ کرکےایک ہینگر کی آڑ لیکر فائرنگ کررہے ہیں جبکہ انکی جانب سے دستی بم مارنے کی بھی اطلاع ہے، ذرائع کے مطابق اولڈ ائیرپورٹ میں جس طرف سے یہ داخل ہوئے ہیں اسے اصفہانی ہینگر بھی کہا جاتا ہے،یہاں پر طیاروں کی مرمت کی جاتی ہے،اس صورتحال کے بعد پولیس اور رینجرز کو طلب کرلیا گیا ہے تاکہ صورتحال کو فوری کنٹرول کیا جاسکے۔ذرائع کے مطابق فائرنگ سے چار اے ایس ایف اہل کار زخمی ہوگئے ہیں۔ائیر ٹریفک بھی متبادل سمت میں موڑ دیا گیا ہے،اور طیاروں کی آمدورفت معطل ہوگئی ہے،جبکہ فائرنگ کا تبادلہ ابھی تک جاری ہے۔اولڈ ائیرپورٹ کے اندر سے دھماکوں کی بھی آواز آرہی ہے۔طارق ابولحسن کے مطابق دہشتگردوں کے بارے میں کہا جارہا ہے کہ وہ مہران بیس حملے کے انداز میں حملہ آور ہوئے ہیں،یہ گاڑی پر یہاں آئے تھے اور اسے باہر چھوڑ کر اندر چلے گئے تھے۔یہ جناح ٹرمینل سے ڈیڑھ سے دو کلومیٹر دور ہیں اور بہت کم امکان ہے کہ یہ وہاں تک پہنچ سکیں۔انھیں سیکورٹی فورسز نے ہینگر کے قریب ہی روک لیا ہے۔ائیرپورٹ پر شدید فائرنگ جاری ہے۔جبکہ جہاں یہ موجود اسکے اطراف سے گہرا دھواں اٹھتا ہوا نظر آرہا ہے۔