09 جون ، 2014 
سراج الحق کی کراچی ائرپورٹ پر دہشت گردی واقعے کی مذمت
09 جون ، 2014
لاہور....جماعتِ اسلامی کے امیر سراج الحق نے کراچی ایرپورٹ پر دہشت گردی کے واقعے کی مذمت کی ہےاورکہاہے کہ اس گھناؤنے واقعے میں ملوث ہاتھوں اور ان کےمقاصد کا سراغ لگانے کے لیے چند لوگوں کا زندہ پکڑا جانا ضروری تھا۔لاہور سے جاری بیان میں امیرِ جماعت اسلامی سراج الحق نےکہاکہ وہ کراچی ائیرپورٹ پر دہشت گردوں کے مذموم عزائم ناکام بنانے کے لیے سیکیورٹی اداروں کی مشترکہ کامیاب کارروائی کو سراہتےہیں۔ انہوں نے کہا کہ وہ متاثرہ خاندانوں سے دلی ہمدری کا اظہار کرتے ہیں جبکہ شہداء کے لیےدعائے مغفرت کرتے ہیں۔ سراج الحق کاکہناتھا کہ قومی املاک اور حساس مقامات کے تحفظ کے لیے فول پروف انتظامات کیے جائیں ۔ جماعت اسلامی کے سیکریٹری جنرل لیاقت بلوچ نے بھی دہشت گردی کے واقعے کی مذمت کی۔
مزید خبریں :
