پاکستان
18 جون ، 2014
18 جون ، 2014 
ارکان سندھ اسمبلی کی جانب سے سانحہ لاہور کی مذمت
18 جون ، 2014
کراچی ....اراکین سندھ اسمبلی نے لاہور سانحہ کی مذمت کرتے ہوئے وفاقی حکومت سے ملوث ملزمان کی فوری گرفتاری کا مطالبہ کیا ہے۔ سندھ اسمبلی کے باہر میڈیا سے بات کرتے ہوئے وزیر اطلاعات شرجیل میمن نے سانحہ لاہور کی مذمت کرتے ہوئے کہا کہ ایسے واقعات کی مثال دور آمریت میں بھی نہیں ملتی،حکومت کی مرضی کے بغیر ایسا نہیں ہوسکتا، حکومت نے اپنی طاقت دکھائی ہے۔ مسلم لیگ ن کے رہنماعرفان اللہ مروت نے سانحہ لاہور کی مذمت کی۔ انہوں نے کہا کہ طاہر القادری کو بھی ایسانہیں کرنا چاہئے تھا کہ وہ معصوم جانوں سے کھیلیں۔ قائد حزب اختلاف شہریار مہر نے سانحے کی مذمت کرتے ہوئے ملزمان کی گرفتاری کا مطالبہ کیا۔
