19 جولائی ، 2014 
خضدارمیں جناح روڈ پر دھماکا ، دو افراد جاں بحق ، 11 زخمی
19 جولائی ، 2014
Qخضدار.......خضدار میں سیکورٹی فورسز کی گاڑی کے قریب بم دھماکے میں 2 افراد جاں بحق اور 11 زخمی ہوگئے، دھماکے سے چار موٹرسائیکلیں اور15 دکانوں کو بھی نقصان پہنچا۔پولیس کے مطابق سیکیورٹی فورسز کی گاڑی خضدار کے اللہ والا چوک سے گزر رہی تھی کہ اچانک دھماکا ہوگیا، دھماکا اتنا زور دار تھا کہ فورسز کی گاڑی ، چار موٹرسائیکلوں اور 15 سے زائد دکانوں کو نقصان پہنچا، پولیس اور سیکورٹی فورسز نے علاقے کو گھیرے میں لے لیاہے۔ زخمیوں کو ڈسٹرکٹ ہیڈ کوارٹر اسپتال منتقل کیا گیا جہاں 4 زخمیوں کی حالت تشویشناک بتائی جاتی ہے۔ اسپتال میں ایمرجنسی نافذ کردی گئی ہے۔ دھماکے کی جگہ سے ایک موبائل فون بھی ملا ہے، ابتدائی تحقیقات کے مطابق دھماکا ریموٹ کنٹرول بم کے ذریعے کیا گیا۔
مزید خبریں :
