18 اپریل ، 2012 
کراچی:تشدد کے مختلف واقعات میں7افراد ہلاک،کئی زخمی
18 اپریل ، 2012
کراچی… کراچی کے مختلف علاقوں فائرنگ، پرتشدد واقعات اور ڈکیتی میں مزاحمت کے دوران فائرنگ سے خاتون سمیت 7افراد جاں بحق اور متعددافراد زخمی ہو گئے۔ پولیس کے مطابق نارتھ ناظم آباد میں واقع میمن کملپکس کے قریب نامعلوم افراد دو لاشیں پھینک کر فرارہو گئے۔ مقتولین کو تشدد کے بعد گلا دبا کر ہلاک کیا گیا ہے۔ پہاڑ گنج میں چائے کے ہوٹل پر فائرنگ سے پانچ افراد زخمی ہوگئے ، جن میں سے مطیع اللہ نامی شخص اسپتال جاتے ہوئے جبکہ عباس اور اللہ دوست دوران علاج زخموں کی تاب نا لاتے ہوئے چل بسے۔ نارتھ ناظم آباد میں اصغر علی شاہ اسٹیڈیم کے قریب نامعلوم افراد کی فائرنگ سے دو افراد زخمی ہو گئے۔ پی ای سی ایچ ایس سوسائٹی بلاک 6 میں گاڑی چھیننے کے دوران مزاحمت پر فائرنگ کر کے میاں بیوی کو زخمی کر دیا۔ 45 سالہ خاتون دوران علاج جاں بحق ہو گئیں۔سائٹ کے علاقے گل بائی میں ایک فیکٹری میں نامعلوم افراد نے ڈکیتی کے دوران مزاحمت پر ڈنڈوں کے وار کر کے چوکیدار کو قتل کر دیا۔
مزید خبریں :
کراچی میں آج سے درجہ حرارت میں کمی آنے کا امکان
8 گھنٹے پہلے
حکومتی کارکردگی کے نظام کی بہتری کیلئے کمیٹی تشکیل
9 گھنٹے پہلے
