27 ستمبر ، 2014 
مہاجروں کیخلاف 92 کا فوجی آپریشن کیوں ہوا؟ الطاف حسین
27 ستمبر ، 2014
کراچی...... متحدہ قومی مومنٹ کے قائد الطاف حسین نے کہا ہے کہ 19جون1992کو مہاجروں کے خلاف فوجی آپریشن کا جوازبتایاجائے؟ہمارے لوگوں کو خریدا گیا اور ایم کیوایم حقیقی بنائی گئی۔ کراچی ، حیدر آباد، نوابشاہ، ٹھٹھہ سمیت دیگر شہروں میں متحدہ قومی موومنٹ کے جنرل ورکرز اجلاس سے خطاب کرتے ہوئے ایم کیوایم کے قائد الطاف حسین کا کہنا تھا کہ آصف زرداری نے کراچی کی ترقی کے لیے جو وعدہ کیا وہ بھی پورا نہیں کیا،زرداری صاحب نے خوب وزیر اعلیٰ رکھے ہیں ،سائیں کو کچھ یاد ہی نہیں رہتا۔ ان کا کہنا تھاکہ سندھ کابیٹاہوں اور سندھ کی تقسیم نہیں چاہتا، سندھ دھرتی ایم کیوایم کی بھی اسی طرح ماں ہے جیسے سندھیوں کی ہے، سندھ کی تقسیم نہیں چاہتے لیکن انتظامی یونٹ بننےسےنہ ملک تقسیم ہوتےہیں نہ علاقے، مذاکرات اورامن وامان پریقین رکھتاہوں۔
