لندن ....آرمی چیف جنرل راحیل شریف کا کہنا ہے کہ حکومت اورفوج دہشتگردی کےخاتمےکیلئےپرعزم ہیں، ملک اس وقت حالت جنگ میں ہے اور فوجی عدالتیں عوام کی مرضی سے قائم ہوئی ہیں۔آرمی چیف جنرل راحیل شریف نے دورہ برطانیہ کے موقع پر لندن میں پاکستانی ہائی کمیشن کے عشایئے میں شرکت کی۔ تقریب میں برطانوی و پاکستانی کمیونٹی کےسرکردہ افراد کے علاوہ برطانوی فوج کے اعلیٰ عہدیدار بھی شریک تھے۔ جنرل راحیل شریف کا کہنا تھا کہ وہ برطانیہ میں پڑھ چکے ہیں، ان کی یہاں سے اچھی یادیں وابستہ ہیں۔ آرمی چیف جنرل راحیل شریف کا کہنا تھا کہ پاکستان اس وقت حالت جنگ میں ہے، فوجی عدالتوں کے قیام میں عوام کی رضامندی شامل ہے۔ آٰئی ڈی پیز کی بحالی کےلیےاقدامات کررہےہیں،پاکستان جلدتمام مسائل پرقابوپالےگا ۔اس سے قبل آرمی چیف جنرل راحیل شریف نے ملٹری اکیڈمی سینڈ ہرسٹ اور رائل کالج آف ڈیفنس اسٹڈیز کا بھی دورہ کیا۔ آئی ایس پی آر کے مطابق آرمی چیف نے سیکیورٹی سےمتعلق پاکستان کاموقف پیش کیا اور دہشت گردی سےنمٹنےکیلیےعزم کااعادہ کیا۔