20 اکتوبر ، 2022 
20 اکتوبر ، 2022
قومی کرکٹ ٹیم کے وکٹ کیپر بیٹر محمد رضوان کی دعوت تبلیغ کی ویڈیو سوشل میڈیا پر ایک بار پھر وائرل ہوگئی۔
پاکستان کرکٹ ٹیم ان دنوں آئی سی سی مینز ٹی ٹوئنٹی ورلڈکپ کھیلنے کے لیے آسٹریلیا میں موجود ہے، قومی ٹیم آج برسبین سے میلبرن پہنچی تھی۔
سوشل میڈیا پر وائرل ہونے والی ویڈیو کے مطابق میلبرن پہنچ کر وکٹ کیپر بیٹر محمد رضوان مسجد میں تبلیغ کرنے پہنچے۔
ویڈیو میں دیکھا جاسکتا ہے کہ رضوان مسجد میں موجود افراد کو دعوت تبلیغ دے رہے ہیں۔
واضح رہے کہ اس سے قبل بھی رضوان کی مساجد میں تبلیغ کرتے ہوئے ویڈیو وائرل ہوئی ہیں۔
