11 نومبر ، 2022 
11 نومبر ، 2022
پاکستان کرکٹ ٹیم ایک دن آرام کے بعد آج آسٹریلوی شہر میلبرن میں پریکٹس کرے گی۔
بدھ کو ٹی ٹوئنٹی ورلڈکپ کے پہلے سیمی فائنل میں نیوزی لینڈ کو شکست دینے کے بعد پاکستان ٹیم نے گزشتہ روز آرام کیا تاہم ایک دن کے وقفے کے بعد قومی ٹیم آج میلبرن میں پریکٹس کرے گی۔
جمعرات کو انگلینڈ نے ٹی ٹوئنٹی ورلڈکپ کے دوسرے سیمی فائنل میں بھارت کے خلاف 10 وکٹوں سے کامیابی حاصل کرتے ہوئے فائنل کے لیے کوالیفائی کیا۔
اب اتوار کو پاکستان اور انگلینڈ کی ٹیمیں فائنل میں ٹکرائیں گی۔
دوسری جانب آئی سی سی ٹی ٹوئنٹی ورلڈکپ کا فائنل بارش سے 95 فیصد متاثر ہونے کا بھی امکان ہے۔
