اگرآپ کا خیال ہے کہ رقص کی دنیا میں صرف دبلے پتلے اور سائز زیرو ڈانسرز ہی نام بنا سکتے ہیں تو امریکہ سے تعلق رکھنےڈانسر نے یہ بات غلط ثابت کردی ہے۔

ویٹینی وے تھیور نامی بھاری بھرکم امریکی خاتون نے موٹاپے کے باوجود شاندار پرفارمنس پیش کر کے دیکھنے والوں کو داد دینے پر مجبور کر دیا ہے۔

امریکی خاتون نے اپنے وزن کی پرواہ کئے بغیر انتہائی پر اعتمادی اور پھرتی سے تمام اسٹپس کا مظاہرہ پیش کیا اوریہ ثابت کر دیا کہ شوق کے راستے میں کوئی بھی رکاوٹ حائل نہیں ہو سکتی ۔

بچپن سے ہی ڈانس کی شوقین ویٹینی نے مسلسل تیز ی سے بڑھتے وزن کی وجہ سے طویل عرصے تک ڈانس نہیں کیاتاہم مضبوط ارادے اور شوق کی تکمیل کیلئے ویٹینی نے ایک بار پھر سے ڈانس کا اغاز کر کے دیکھنے والوں کو نہ صرف حیران کیا بلکہ موٹاپے کے شکار افرادکیلئے ایک عام انسان کی طرح جینے اور ڈانسنگ کی بدولت ایکسر سائز کا شعور بھی بیدار کیا۔