پنجاب کےوزیر اعلیٰ محمد شہبازشریف نےاشیائےضروریہ کی قیمتوں میں اضافے کا نوٹس لیتےہوئےصوبائی کابینہ کمیٹی برائے پرائس کنٹرول کو فوری طور پر ضروری اقدامات کی ہدایت کی ہے۔

وزیراعلیٰ پنجاب نےکابینہ کمیٹی برائےپرائس کنٹرول کوہدایت کی کہ وہ مارکیٹوں اور بازاروں کےدورے کرکے اشیائے ضروریہ کےنرخوں کا جائزہ لےاورقیمتیں مناسب سطح پر لانے کیلئے ہر ممکن اقدامات کرے۔

شہباز شریف کا کہناتھا کہ عوام کو کسی بھی صورت ناجائز منافع خوروں کے رحم و کرم پر نہیں چھوڑا جاسکتا لہٰذا مصنوعی مہنگائی پیداکرنےوالوں کےخلاف بلاامتیاز کارروائی کی جائے۔