امریکی محکمہ انصاف کے مطابق انٹرنیٹ کی دو سب سے بڑی کمپنیوں گوگل اور فیس بک نے اس بات کا اعتراف کیا ہے کہ وہ ایک فراڈ اسکیم کا شکار ہوئے جس کے نتیجے میں انہیں دس کروڑ ڈالر یعنی پاکستانی دس ارب روپے سے زائد سے ہاتھ دھونا پڑے تھے۔

یہ فراڈ 48 سالہ ایک روسی شخص نے جعلی ای میلز کے ذریعے کیا تھا جو اِن کمپنیوں سے وابستہ کلائنٹ کمپنیوں کو بھیجی گئی تھی تاہم ای میلز اس طرح بھیجی گئی تھیں کہ لگتا تھا جیسے خود گوگل اور فیس بک انتظامیہ نے یہ ای میلز بھیجی ہیں۔

محکمہ انصاف کے مطابق اس فراڈ کا کامیابی سے سراغ لگاتے ہوئے رقم واپس موصول کرلی گئی ہے اور فراڈ میں ملوث شخص کو گرفتار کرلیا گیا ہے ۔